Komunidade Asulau, Ke’e Estrada Husi Saré ba Hatolia

  • Whatsapp
Foto Komúnidade Ermera Ke'e Estrada
Komúnidade Suku Asulau Saré, Postu-administrativu Hatulia, Munisípiu Ermera, ke'e hela estrada ligasaun suku Asulau Saré ba postu administarivu Hatolia, Sesta (16/4).

Tempotimor (Ermera)-Komunidade no veteranu ne’ebé iha suka Asulau Saré, postu administrativu Hatolia no munisípiu Ermera, ke’e ona estrada husi suku Asulau Saré ba kapitál Ermera, tanba estrada diresaun ba postu Hatolia laiha.

Liga ba atividade ne’e, Veteranu António Araujo (Aranka) hatete, dezde ukun-aan to agora suku ne’e la asesu ba estrada inklui liña eletrisidade, tamba ne’e veteranu ho kumunidade servisu hamutuk ho autoriedade apoiu voluntáriu ba desnvolvimentu, nune’e komunidade sira bele asesu ba transporte hodi fa’an produtu lokál sira ne’ebè iha.

“Fatin ne’e hanesan mós kaixa resisténsia ba rejiaun 4 munisípiu Ermera iha prosesu luta ba independénsia, maibé suku ne’e abandonadu, tanba husu ba ukun na’in sira ne’ebé husi munisípiu Ermera labele sai penontong ba povu Ermera nia terus,” katak Doutóra Olandina

Nune’e mós, xefe aldeia Norema, Carlos da Silva, rekoñese, komunidade Asulau Saré durante ne’e la asesu ba eletrisidade no strada, inklui eentru saúde, tamba ne’e veteranu ho komunidade no joventude inklui autoridade lokál iha inisiativa ke’e rasik estrada diresaun suku Asulau ba postu administrativu Hatolia.

“Ami rekomenda bei-beik ona ba governu liliu MOP, maibé laiha solusaun tamba ne’e hanesan autoridade husu apoiu ba Ermera oan ne’ebé iha membru governu iha nasionál fó netik atensaun, nune’e bele hetan rekoñesimentu husi governu sentrál, tamba autoridade lokál iha poder ne’ebé naton nune’e governu nafatin la konsidera,” dehan nia.

Entretantu totál komunidade ne’ebé ke’e estrada kilomentru 3 resin ho medida luan metru rua ne’e hamutuk na’in 200 no suku refere kompostu aldeia 6, mak aldeia Norema, Dermuslau, Dirhatilau, Poelete, Nunpu no Saré ne’ebé ho totál populasaun rihun 2.747.

Alende ne’e produtu ne’ebé suku Asaulau iha mak Aifarina, kafé no maioria komunidade gosta kuda liu maek tamba folin di’ak liu kompara ho prututu seluk.(*)Komunidade Asulau Saré Ke’e Estrada Husi Saré ba Hatolia Tempotimor (Ermera)-Komunidade no veteranu ne’ebé iha suka Asulau Saré, postu administrativu Hatolia no munisípiu Ermera, ke’e ona estrada husi suku Asulau Saré ba kapitál Ermera, tanba estrada diresaun ba postu Hatolia laiha. Liga ba atividade ne’e, Veteranu António Araujo (Aranka) hatete, dezde ukun-aan to agora suku ne’e la asesu ba estrada inklui liña eletrisidade, tamba ne’e veteranu ho kumunidade servisu hamutuk ho autoriedade apoiu voluntáriu ba desnvolvimentu, nune’e komunidade sira bele asesu ba transporte hodi fa’an produtu lokál sira ne’ebè iha. “Fatin ne’e hanesan mós kaixa resisténsia ba rejiaun 4 munisípiu Ermera iha prosesu luta ba independénsia, maibé suku ne’e abandonadu, tanba husu ba ukun na’in sira ne’ebé husi munisípiu Ermera labele sai penontong ba povu Ermera nia terus,” katak Doutora Olandina. Iha fatin hanesan, xefe aldeia Norema Carlos da Silva rekoñese, komunidade Asulau Saré durante ne’e la asesu ba eletrisidade no strada, inklui eentru saúde, tamba ne’e veteranu ho komunidade no joventude inklui autoridade lokál iha inisiativa ke’e rasik estrada diresaun suku Asulau ba postu administrativu Hatolia. “Ami rekomenda bei-beik ona ba governu liliu MOP, maibé laiha solusaun tamba ne’e hanesan autoridade husu apoiu ba Ermera oan ne’ebé iha membru governu iha nasionál fó netik atensaun, nune’e bele hetan rekoñesimentu husi governu sentrál, tamba autoridade lokál iha poder ne’ebé naton nune’e governu nafatin la konsidera,” dehan nia. Entretantu totál komunidade ne’ebé ke’e estrada kilomentru 3 resin ho medida luan metru rua ne’e hamutuk na’in 200 no suku refere kompostu aldeia 6, mak aldeia Norema, Dermuslau, Dirhatilau, Poelete, Nunpu no Saré ne’ebé ho totál populasaun rihun 2.747. Alende ne’e produtu ne’ebé suku Asaulau iha mak Aifarina, kafé no maioria komunidade gosta kuda liu maek tamba folin di’ak liu kompara ho prututu seluk.(*)

Related posts