Tempotimor (Ermera)-Tuir Diretór Sentru Saúde Komunitáriu (SSK) postu administrativu Railaku, Gaspar Gomes da Silva katak, husi janeiru to’o juñu 2021, SSK Railaku rejista moras númeru aas liu mak Inspesaun Respiratóriu Águda (ISPA) ho totál 2.700.
Diretór ne’e afirma, sentru saúde Railaku rejista númeru aas ISPA, tanba impaktu husi mudansa klimátika no ambiente ne’ebé komunidade sira hela.
“Husi fulan janeiru to’o jullu, ami rejista moras ISPA hamutuk 2.700, tamba impaktu husi ita-nia ambiente moris nian. Dalaruma ita-nia komunidade konsumu bee-matak no maneira ne’ebé implementa iha família la tuir regra saúde nian, entaun oinsá bele halakon moras ne’e?,” katak Diretór Gaspar ba www.tempotimor.com iha knaar fatin, Railaku, Ohin (16/07).
Moras ISPA ne’ebé númeru aas iha Railaku, parte saúde nafatin esforsu ho maneira oioin hodi kombate.
“Ami sempre halo promosaun saúde iha suku, aldeia inklui atividade siska ba komunidade oinsá bele evita aan husi moras ne’e. Tanba ne’e komunidade presiza halo tuir regra saúde nian hanesan bainhira han tenki fase liman, hemu be tasak, hadok-aan husi rai-rahun no ambiente presiza limpeza bebeik,” katak Nia.
Enkuantu pasiente sira ekipa saúde fó tratamentu rutina, nune’e liu loron rua bele rekopera no fila on aba rezidénsia hodi kumpri reseita husi doutór sira. Alende ne’e kada loron SSK Railaku rejista 200 no menus liu mak na’in 70.(*)
