Tempotimor (Ermera)- Prezidenti Autoridade Munisípiu Ermera (PAME) foun, Eujébio Salsinha promete durante tinan lima sei fó prioridade ba dezenvolvimentu rurál.
Prezidente autoriedade foun ne’e dehan, durante mandatu tinan lima sei haree liu ba dezenvolvimentu lokal, tamba tuir kompeténsia rasik ne’ebé defini ona iha dekretu lei númeru 3/2016 nu’udar knaar autoridade munisípiu nian.
“Knaar ne’ebé ha’u iha ba mandatu tinan lima fó prioridade liliu ba planu dezenvolvimentu rurál no multi setorál hanesan bee-mos, eletrisidade, estrada inklui nesesidade bázika, liu-liu infrestrutura sira iha munisípiu Ermera,” dahan PAME Eujébio ba www.tempotimor.com iha salaun Parókia Gleno, ohin (01-07).
PA foun ne’e mós promete sei halo planu oinsá hamenus ki’ak no redusaun taxas mortalidade infantíl iha Ermera, nune’e povu bele moris iha ambiente ne’ebé saudável no futuru prosperu, inklui harii edifísiu autoridade ne’ebé di’ak nune’e bele funsiona servisu ita-nia munisípiu,” katak Nia.
Enkuantu PA munisípiu Ermera ba periodu 2021 to’o 2026 ne’e ofisialmente pose husi Ministru Administasaun Estatál (MAE) no akompaña husi vise MAE, Lino de Jesus Torrezão inklui PA munisípiu Ermera sesante José Martinho dos Santos no konvidadu sira seluk.(*)
