SS Difikulta Estudante Rihun 39.267 Iha Ermera La Tuir Ezame Periodu Dahuluk

  • Whatsapp
Estudante sira iha Munisipiu Ermera iha momentu balun liuba. Foto Tempo Timor

Tempotimor (Ermera)-Relasiona ho kazu Covid-19 ne’ebé sa’e no governu mós liuhusi rezolusaun governu nú. 50/2021 de 29 Abril renova serka sanitária ba munisípiu Ermera maka difikulta estudante hamutuk rihun 39.267 iha munisípiu refere la tuir ezame ba primeiru periodu dahuluk tuir kalendáriu ministériu edukasaun nian.

Ba asuntu ne’e Diretór Edukasaun Munisípiu Ermera, Marcos Soares Martins hatete, kalendáriu nasionál haktuir, estudante sira tenki hala’o ezame primeiru periodu iha (12/4) maibé la konsege realiza entaun adia ba (19/4) mais konstinua iha serka sanitária.

Read More

“Tuir loloos ohin ne’e eskola kontinua la’o normal, nune’e estudante sira hodi prepara ba ezame, maibé ita nafatin suspende atividade eskola tamba ita kontinua SS. Tamba ne’e, problema ne’ebé ita hotu hasoru mak ate agora sedauk bele ezame nune’e kontinua hein to’o (17/5) bainhira hetan orientasaun husi nasionál mak prepara ba ezame,” dehan Diretór Marcos ba www.tempotimor.com iha nia knaar fatin Gleno, Tersa (3/5).

Nia mós husu ba estudante sira kontinua estuda hodi aumenta kapasidade mezmu durante ne’e hela de’it iha uma.

“Maibé ha’u iha planu orienta ona ba manorin sira atu fó sumáriu ba estudante sira, bainhira ita lakonsege realiza ezame nune’e estudante sira bele hetan valór” dehan nia.

Entretantu estudante sira ne’ebé dadaun ne’e, la partisipa iha ezame mai husi eskola EBC hamutuk 22 ho nia filial sira, Eskola Pre-Sekundária iha 128, eskola Sekundáriu iha 7 no ensinu tekniku vokasional hamutuk 8.(*)

Related posts