Tempotimor (Ermera)-Tuir portavoz servisu saúde munisípiu Ermera, Natalino Salsinha dehan, ekipa servisu saúde senti triste relasiona ho familia pasiente Covid-19 ne’ebé baku Diretór Saúde munisípiu Ermera, António de Deus Fátima iha (01/08) kalan maizumenus tuku 23:00 otl iha bairu lahane Gleno.
Reprezentante ekipa servisu saúde munisípiu Ermera ne’e husu ba Polísia Nasionál Timor-Leste (PNTL), munisípiu Ermera tenki prosesa autor ho rigoruzu, maibé bainhira parte relevante la foti médida, maka aktividade servisu saúde sei paradu no la halo atendementu.
“Ami husu ba Prezidente Autoriedade Munisípiu Ermera (PAME), Ministériu Saúde (MS), Sentru Integradu Jestaun Krise (SIJK) no Polísia Nasionál Timor-Leste (PNTL) maka la foti asaun ruma hasoru aktu ida ne’e, maka aktividade hothotu saúde nian sei paradu komesa oras ida ne’e no husu ba eselénsia Primeiru Ministru (PM) atu garantia seguransa ba pesoál saúde hothotu iha Timor-Leste liu-liu munisípiu Ermera,”dehan Portavós SSME, Natalino liuhusi konferénsia imprensa iha sentru saúde Gleno, Segunda (02/08).
https://ermera.tempotimor.com/dsme-hetan-pankada-husi-familia-pasiente-covid-19/
Nia afirma, “karik seguransa la seguru maka ami sei la hala’o atividade servisu saúde hodi atende ba pasiénte Covid-19 tamba sira boikota servisu saúde no nasaun RDTL nian,” katak Nia.
Enkuantu servisu saúde Ermera promete bainhira parte relevante la hola asaun, maka atividade servisu saúde ne’ebé baibain atende povu aileba sira ne’e paradu hotu, maske povu sira presiza tebes atendementu saúde.(*)
