Tempotimor (Ermera)-Organizasaun non Governamentais (ONG) Belun fasilita formasaun ba dokumuniadde difisiénte na’in sia iha Ermera kona-ba implementasaun lei kontra violénsia doméstika.
Tuir xefi ofesiál peskiza ONG Belun, Maria Fátima Sarah katak, formasaun ne’ebé ONG Belun fasilita ba feto ho labarik ho kondisaun difisiensia, tanba oinsá bele hatete impaktu husi implementasaun lei kontra violasaun doméstika.
“Objetivu prinsipal husi peskiza ne’e atu fó formasaun ba sira ne’ebè difisiente ne’ebé ko’alia liu kona-ba impaktu husi implementasaun lei konta violasaun domestika. Nune’e sira bele komprinde didi’ak oinsá feto no labarik difisiente bele asesu ba justisa,” dehan nia ba www.tempotimor.com iha salaun SEKoop Gleno, Segunda (12/07).
Iha fatin hanesan, koordenadór Raes Hadomi Timor Oan (RHTO), Joanico Pereira kontenti ho formasaun ne’ebé ONG Belun faselita, tamba hanesan bukae ida ba maluk difisiénsia sira oinsá bele hatete lala’ok violensia kontra feto no labarik defisiénsia.
“Ami senti kontente tamba formasaun ne’e hanesan bukae ida mai ami defisiente sira oinsá bele kompriende lala’ok justisa violasaun doméstika hasoru feto no labarik sira. Tamba ne’e husu ba ONG Belun se bele presiza faselita formasaun to’o iha área rurál nune’e maluk difisiente ne’ebé iha área rurál bele asesu no proteje direitu ema ho difisiente nian,” katak nia.(*)
