PR Lú Olo “Garante” OJE 2021 sei Pasa iha PN

Prezidente Repúblika, Francisco Guterres Lú Olo, foto hamutuk hoestudantes no hanorin nain sira Eskola Eskola Ensinu Báziku 10 de Abril, Eskola Sekundáriu Nino Konis Santana no Eskola Sekundáriu Hélio Sanches Pina “Mau-Kruma” (18/11)
Prezidente Repúblika, Francisco Guterres Lú Olo, foto hamutuk hoestudantes no hanorin nain sira Eskola Eskola Ensinu Báziku 10 de Abril, Eskola Sekundáriu Nino Konis Santana no Eskola Sekundáriu Hélio Sanches Pina “Mau-Kruma” (18/11). Foto Tempo Timor

Tempotimor (Gleno) – Maski Orsamentu Jerál Estadu (OJE) 2021 nian sei iha hela audiénsia públika iha Parlamentu Nasionál (PN), maibé Prezidente Repúblika (PR) Francisco Guterres Lú Olo hahú manifesta nia hanoin katak, Parlamentu Nasionál (PN) sei aprova orsamentu ne’e.

Xefe Estadu manifesta sentiment kontente no liafuan gaba ne’e, bainhira hamutuk ho espoza halo diálogu ho povu Ermera ho tema “Ho diálogu sei hetan solusaun ba kualkér problema”.

Read More

“Governu ne’e halo tiha ona ninia planu ba rekoperasaun ekonomika ba rai ida ne’e. Tanba ne’e, Orsamentu Jerál Estadu (OJE) tinan fiskál 2020 nian pasa tiha ona no ha’u mós aprova ona. Agora iha tan OJE 2021 nian ne’ebé Parlamentu Nasionál (PN) sei halo hela audiénsia públika atu rekolla ema hotu nia hanoin, depois ikus mai debate no aprova iha PN,” PR Lú Olo hateten iha nia diskursu audiénsia ho povu Ermera, iha salaun parókial Gleno, Kinta (19/11).

Xefe estadu ne’e esplika ba povu Ermera kona-ba objetivu governu nian hodi halo rekoperasaun ekonomika rai laran.

“Buat ne’ebé ha’u hatene husi governu nia hakarak mak daudaun ne’e fó prioridade ba edukasaun, tenke tau osan maka’as ba área saúde atu garante povu nia saúde. Tenke hadi’a eskola atu sai di’ak no kualidade.

Investe ba bee-moos no hasa’e mós produsaun atu bele hasa’e rendimentu populasaun nian, ne’ebé aposta ho orsamentu 2021 ne’ebé iha hela PN,” Lú Olo dehan.

Entretantu, OJE 2021 nian ne’ebé governu submete ona ba PN iha 15 Outubru no daudaun ne’e komisaun sira iha PN tama ona prosesu audiénsia públiku ho totál orsamentu billaun $1.895.(*)

Related posts