MAPKomS: Governu Esforsu Lori RTTL ba Povu iha Baze

Komunidade sira iha munisípiu Ermera simu hela MAPKomS, Francisco Martins da Costa Pereira Jerónimo iha salaun Administarivu Railaku, , Kinta (15/07).

Tempotimor (Ermera)-Relasiona ho Rádiu no Televizaun Timor-Leste Empreza Públika (RTTL-EP) ne’ebé sei iha analog, mak governu liuhusi Ministériu Asuntu Parlamentár no Komunikasaun Sosiál (MAPKomS) esforsu maka’as hodi trasnforma ba dijitál.

Tuir Ministru Francisco Martins da Costa Pereira Jerónimo, oitavu governu liuhusi MAPKomS sei fó prioridade ba RTTL-EP, oinsá atu diversifika komunikasaun sosiál liu-liu lori RTTL.EP besik ba komunidade sira iha área rurál ho dijitál.

Read More

“Ita mós iha obrigasaun atu hakat ba faze komunikasaun dijitál taba mundu agora tama ona iha faze dizitál, tamba daudaun ne’e RTTL.EP iha hela komunikasaun analog, nune’e oinsá muda sistema analog ba dijitál hodi nune’e komunidade iha baze, nivel nasionál no internasionál asesu hotu informasaun,” dehan Ministru Francisco ba média sira iha salaun administarivu Railaku, munisípiu Ermera, Kinta (15/07).

Governante ne’e husu ba entidade hotu iha Railaku tenki koopera, nune’e programa instalasaun dijitál bele la’o ho susesu.

“Husu ba entidade hotu iha postu ne’e, tenki koopera ho di’ak liliu autoridade lokál sira, oinsá bele sosializa ba komunidade hotu, nune’e bainhira programa instalasaun dijitál hahú labele mosu dezentendimentu husi komunidade sira, tambà programa ne’e iha benefisiu tebes ba komunidade iha baze atu asesu ba informasaun,” dehan nia.

Iha fatin hanesan Prezidente Autoriedade Munisípiu Ermera (PAME) Eujebio Salsinha agrdese ba MAPKomS, tanba bele hili ona Railaku hodi instala ekipamentu dizitalizasaun RTTL.EP nian.

“Ha’u hodi entidade hotu hakarak hato’o agradesementu ba MAPKomS tamba liuhusi programa instalasaun dijitál bele fó esperansa ba komunidade liuhusi fasilita receiver, nune’e bele asesu ho di’ak ba informasaun iha área oioin,” PA tenik.

PA mós husu ba MAPKomS, bainhira atu fasilita receiver ba komunidade sira tenki iha estudu viabilidade, nune’e fasilita ba komunidade sira karik bele hetan tuir dadus ne’ebé iha.

Alende ne’e, governu liuhusi MAPKomS halo ona rekrutamentu ba joven na’in rua husi Railaku hodi rekolla dadus komunidade nian, molok governu fasilita receiver ba komunidade sira. Tanba tuir dadus ne’ebé iha katak, receiver ne’ebé MAPKomS atu fasilita ba komunidade sira hamutuk rihin sia.(*)

Related posts