KO Obriga Negosiante Railaku Hamamuk Baraka Negósiu Sira

Baraka ne'ebe durante ne'e komunidade Railaku uza hodi faan sira-nia produtu lokal. Kuarta (04/08). Foto Tempo Timor

Tempotimor (Ermera)ovid-19 ne’ebé aumenta iha munisípiu Ermera, postu Railaku no postu Ermera vila, mak governu aplika Serka Sanitária (SS) no Konfinamentu Obrigatóriu (KO) hodi bandu komunidade sita halibur malu ho volume boot.

Bazeia ba desizaun governu liuhusi Konsellu Ministru (KM) extraordináriu iha loron 30 Jullu 2021 ne’ebe aplika konfinamentu obrigatoriu ba postu administartivu Railaku no postu Ermera vila, Munisipiu Ermara, mak negosiante sira iha merkadu Railaku hamamuk hotu ona baraka sira ne’ebé durante ne’e sira halo negósiu.

Read More

“Ami nia produtu loron tolu ona ema la sosa tamba dalan taka, entaun laiha ema movimentu nune’e produtu sira la folin, entaun difikulta tebes mai ami-nia nesesidade lor-loron, depois ami tenki abandona baraka ne’ebé durante ne’e ami fa’an,” dehan negosiante isabel ba www.tempotimor.com, iha Railaku. Kuarta (04/08).

Nia mós husu ba governu atu tulun komunidade sira ne’ebé hakesi ho konfinamentu obrigatóriu.

Iha fatin hanesan negosiante Fernando de Jesus mós dehan, komfinamentu obrigatóriu difikulta tebes negosiante sira, tamba produtu sira la folin.

“Ha’u senti triste ho estadu emerjensia tamba ami ne’ebé moris ho negósiu sai vítima tebes ba situasaun ne’e, maibé ukun na’in sira nunka kria kondisaun tamba ne’e husu ba governu tenki ko’alia ho loja sira iha Dili nune’e haruka sira mai sosa produtu iha ami-nia munisìpiu, tamba ami fa’an mós ema la sosa,” nia dehan.(*)

Related posts