Tempotimor (Ermera)-Ministru Administrasaun Estatál (MAE), Miguel Pereira de Carvalho husu ba Ermeraoan hotu atu servisu hamutuk, nune’e muda Ermera ba ida ne’ebé di’ak liu liuhusi implementasaun polítika desentralizasaun poder lokál.
Governante ne’e afirma, atu muda Ermera sai di’ak liuhusi tránzita Ermera iha faze desentralizaun administrativa ba instituisaun públika, tamba Ermera mak alvu dahuluk ba programa desentralizasaun poder lokál.
“Ha’u espera iha tempu tuir mai governu sentrál sei hili munisípiu ne’ebé atu hahú implementa poder lokál, nune’e prezidenti autoridade no deputadu sira povu mak sei hili deretamente, no munisípiu Ermera governu sentrál sei hili hodi hahú implementa poder lokál,” dehan Nia iha salaun administrasaun Munisípiu Ermera, Segunda (05/07).
Nia husu ba komponente hotu presiza unidade, nune’e hodi Ermera ba iha faze dahuluk ba implementa poder lokál.
“Ha’u dezafia komponente hotu iha Ermera ho lideransa Prezidente Autoriedade foun hodi implementa prinsípiu báziku boa governasaun nian, tamba boa governasaun signifika prosesu foti dezisaun ba implementa polítika presiza unidade, nune’e ho efetivu tamba boa governusaun sei asegura nesesidade povu no promove direitu povu nian no ita hotu garantia Ermera sei desenvolvimentu di’ak liután bainhira hahú implementa poder lokál,”
MAE reafirma, programa poder lokál, governu sentrál sei hili Ermera hodi implementa uluk depois kontinua ba munisípiu sira seluk.(*)
