Tempotimor (Ermera)- Kuaze tinan neen (6) ona governu liu-liu Ministériu Edukasaun Juventude no Desportu (MEJD) budu proposta Eskola Báziku Filiál (EBF) nian ne’ebé husu atu hadi’a kondisaun uma, tanba husu dezde tinan 2015, maibé to’o agora laiha resposta.
Eskola EBF lokaliza iha Suku Talimoro Postu Administrativu Ermera, Munisípiu Ermera ne’ebé daudaun kondisaun uma la segura ba estudante atu uza ba prosesu aprendisajen.
“Ha’u husu bà Governu liu-liu Ministériu Edukasaun ida agora ne’e, tenki tau atensaun mai eskola ne’ebé daudaun ho kondisaun aat no besik monu, nune’e fó ameasa ami ho estudante sira bainhira hala’o aprendisajen, tanba iha 2015 no 2016 hato’o ona ba iha ME nasionál, maibé to’o agora laiha resposta, ida ne’e senti prekupa tebes”, dehan Diretòr eskola EBF,Talimoro Domingus Soares Trindade ba www.tempotimor.com iha knaar fatin Talimoro, kuarta (02/05).
Nune’e kontinua husu ba governu tenki tau konsiderasaun hodi halo rekonstrusaun ba kondisaun eskola refere.
Estudante, Divo Martins afirma, kondisaun eskola refere fó ameasa tebes ba estudante ho mestri sira banhira hala’o prosesu aprendisajen.
“Ami dalaruma senti tauk bainhira hala’o aprendisajen, tanba kondisaun eskola aat no besik monu fó ameasa ba ami”, dehan nia
Entertantu, Eskola EBF iha sala de aula 5, mestri permanente 2, kontratadu 5, voluntariu 6 no estudante hamutuk 211. (*)
