Tempotimor (Ermera)- Ekipa saùde Munisìpiu Ermera kontinua informasaun kona-ba vasina AstraZeneca ba komunidade Aldeia Liberti ho Lima-Mesak iha Suku Talimoro, Postu Administrativu Ermera, Munisípiu Ermera.
Diretór Saúde Komunitáriu Ermera, Manuel Soares konsidera imformasaun ne’e importante atu komunidade sira bele hatene hodi partisipa iha vasina ba doze daruak nian atu prevene aan husi moras Covid-19.
“Objetivu prinsipal ho informasaun ne’ebé ami disemina kona-ba Vasina AstraZeneca Covid-19 nian ba nia vantajem no dezvantajem ba vasina ne’e rasik, maibé vasina ne’e, ba daruak nian liliu ba sira ne’ebé iha liña frente, ne’ebé simu ona dahuluk nune’e bele kompleta vasina”, dehan nia ba www.tempotimor.com iha Talimoro, kuarta (02/05).
Vasina ne’e, sei prioridade liu ba inan, aman ne’ebé ho idade 60 ba leten no sira ne’ebè tinan iha 18 to 59 n’ebe iha moras, tamba bainhira kompleta ona tinan 60 tenki vasina, nune’e bele hasae imunidade hodi kontra Covid-19.
Iha fatin hanesan, Xefi Aldeia Liberti, Marcos Martins mós apresia ba saùde ne’ebé bele disemina ona imformasaun komunidade.
“Ha’u apresia tebes ba saùde sira, tanba liohusi informasaun ne’ebé partilla bele fò hanoin ami no komunidade sira oinsá bele hatene loloos kona-ba efeitu husi vasina, tanba estadu hadomi nia povu, nune’e liuhosi saúde nia servisu kontribui ba kombate Covid-19 husi vasina AstraZeneca”, nia apresia.
Entertantu, Aldeia Liberti kompostu husi xefi família na’in-111, populasaun hamutuk 612, enkuantuAldeia Lima-Mesak totál xefi família na’in-149 ho populasaun 820. (*)
