Komunidade Katrai Kraik Oferese Rai 25 Metru Kuadradu ba PNTL Ermera

Rai ne'ebe komunidade Katrai Kraik oferese ba PNTL Munisipiu Ermera inklui atu harii mini merkadu iha bairu Aimeta, suku Katrai Kraik. Sesta (18/06). Foto Tempo Timor

Tempotimor (Ermera)-Komunidade iha suku Katrai Kraik Postu Administrativu Letefoho, munisípiu Ermera oferese rai metru 25 kuadradu ba estadu Timor-Leste atu harii postu Polísia Nasionál Timor-Leste (PNTL) inklui rai metru 600 metru kuadradu hodi harii mini merkadu.

Tuir xefi suku Katrai Kraik, Carlos da Conceição Soares, komunidade sira oferese rai médida 25 metru kuadradu atu harii postu PNTL, nune’e bele fó seguransa ba komunidade sira bainhira iha problema.

Read More

“Durante problema ruma akontese iha ami nia suku, laiha seguransa no tenki mai iha postu mezmu ho distánsia dook. Tamba ne’e ami kontribui rai ba estadu atu harii postu PNTL nune’e fó seguransa mai ami no ami mós kontribui rai 600 metru hodi harii mini merkadu nune’e bele fasilita ami-nia komunidade sira fa’an produto lokál sira,” dehan nia ba www.tempotimor.com, Sesta (18/06).

Iha parte seluk, komunidade Julio Santos husu ba ukun na’in sira atu fó prioridade ba povu, tamba komunidade sira kontribui ona ba estadu liuhusi oferese komunidade nia propriedade ho gratuita.

“Estadu tenki esforsu atu harii postu PNTL iha ami nia fatin, tamba ami komunidade kontribui ona ba estadu, maibé oinsa planu lalais atu harii ona postu refere, tanba ami presiza seguransa atu kontrola ami bainhira akontese problema nune’e bele salva ami,” katak nia.

Enterantu rai ne’ebé komunidade sira oferese ba PNTl atu harii postu seguransa no estabelese mós mini merkadu ne’e iha suku Katrai kraik, ne’ebé husi Hatobuilico ba Katrai karik kilómetru walu no husi Letefoho ba Katrai Kraik kilómetru 12.

Alende ne’e, suku Katrai Kraik kompostu husi aldeia Manturai, Koilesoiria, Mankoliria, Hatulete, Mosarmata, Kolkoli, Hatugeo, Hatudumei no Librema, ho totál populasaun rihun 2.605 ho xefi uma-ka’in 608.(*)

Related posts