Komunidade Talimoro Apoiu Servisu Voluntáriu ba Ekipa EDTL

Komunidade Talimoro servisu dadaun b amanutensaun lina eletrisidade ne'ebe liga ba suku Talimoro. Segunda (12/07). Foto Tempo Timor

Tempotimor (Ermera)-Relasiona ho liña eletrisidade ne’ebé mate kuaze semana ida iha diresaun suku Talimoro postu administrativu Ermera no Munísipiu Ermera, maka komunidade Talimoro apoiu servisu voluntáriu ba ekipa Eletrisidade Timor-Leste (EDTL) hodi normaiza fiu ne’ebé hetan estragus husi dezestre naturais.

Iha servisu atividade ne’e, xefi aldeia Liberti, Marcos Martins hatete, servisu ne’e hanesan kontribuisaun voluntáriu ba parte EDTL munisipiu Ermera nian, nune’e eletrisidade bele normaliza fali hanesan bai-bain.

Read More

“Ami mak la apoiu servisu entaun eletrisidade diresaun ami nian ne’e bele mate to fulan, tamba besik semana ida ona maibé EDTL seidauk bele hadi’a, tamba ne’e ha’u hamutuk ho komunidade sira organiza malu oinsa bele servisu ho sira nune’e eltrisidade bele di’ak hanesan babain no servisu ne’ebé ami hala’o hanesan hatudu nasionalizmu no kontribui ba dezenvolvimentu estadu Timor-Leste nian,” dehan xefe aldeia Marcos ba www.tempotimor.com iha Talimoro bainhira halo hela manutensaun ba rin eletrisidade nian, Ohin (12/07).

Entertantu koordenadór EDTL munisipiu Ermera, Adolfo Inácio Maia apresia ba apoiu servisu komunidade nian nune’e bele normaliza fali liña eletrisidade.

“Komunidade nia apoiu ne’e hanesan kontribuisaun ba estadu TL no ami EDTL tamba impaktu husi ahi tohar no fiu ne’ebé kesi hodi tahan riin eletrisidade komunidade la kontrola entaun ema deskoñesidu sobu sai tiha nune’e bainhira ai-ruma tohar entaun labele salva no rin eletrisidade tenki monu. Tamba ne’e husu komunidade presiza tau matan hotu nune’e ba futuru labele akontese tan,” dehan nia.

Enkuantu eletrisidade refere atu normaliza fali seidauk klaru, tanba presiza halo manutensaun hotu mak foin loke fali liña eletrsidade ne’ebé liga ba diresaun Talimoro nian.(*)

Related posts