Tempotimor (Ermera)-Relasiona ho liña eletrisiadde ne’ebé liga husi postuy administrative Ermera ba fatubesi ne’ebé iha tempu kalan no tempu udan sempre mate, mak tékniku Eletrisidade Timor-Leste (EDTL) Munisípiu Ermera halo ona manutentensaun ba liña eletrisidade refere.
Koordenadór EDTL Munisípiu Ermera, Adolfo Inácio Maia hateten, servisu ne’e atu kontrola oinsá bele halo manutensaun ba liña eletrisidade ne’ebé mate iha tempu kalan no tempu udan, nune’e bele fasilita di’ak liután komunidade sira.
“Horsida ami sei kontrola hodi halo manutensaun to’o Fatubesi, entaun objetivu husi servisu ne’e ami atu hadi’a fali ekipamentu balun ne’ebé iha riin eletrisidade, nune’e bainhira kalan komunidade sira uza, ahi labele mate,” dehan Nia ba www.tempotimor.com iha bairu Raimean, postu Ermera, Tersa (08/07).
Koordenadór ne’e mós dehan, dadaun ne’e EDTL Ermera difikulta hela ba transporte, nune’e hatoo ona ba iha nasionál, maske seidauk iha resposta.
“Problema ne’ebé ami hasoru mak transporte, tamba iha kareta rua mak daudaun ne’e aat nune’e difikulta tebes ami-nia servisu, maibé hato’o ona ba iha nasionál no sedauk hetan resposta to’o agora. Tamba ne’e, difikulta tebes servisu bainhira halo kontrola ba liña eletrisidade ne’ebé mate lakan,” dehan nia.
Enkuantu postu Ermera to’o Fatubesi, dadaun ne’e liña eletrisidade sei dezliga, tamba tékniku EDTL nia sei halo manutensaun, nune’e ba oin labele fó impaktu ba komunidade sira iha diresaun Fatubesi iha tempu kalan no tempu udan.(*)
