Idozus 98 iha Suku Batumanu Seidauk Vensimentu

Xefe Suku Batumanu, Fernando Soares. Foto Suplay

Tempotimor (Ermera)-Tuir xefe suku Batumanu, Fernando Soares katak, idozu hamutuk na’in 98 to’o agora seidauk simu vensimentu, tanba ne’e dadus iha ona hodi hein pagamentu husi governu.

“Idozus ne’ebé atu hetan pagamentu husi governu iha tempu besik hamutuk 98, maibé difisiénte, familia kbi’it laek inklui bolsa da mãe sira mós sedauk hetan sira-nia direitu, tamba sira-nia naran foin iha faze rejistu nune’e sira hein pagamentu tuir mai,” dehan nia ba www.tempotimor.com liuhusi via telefone, Segunda (28/06).

Read More

Alende ne’e, xefi suku mós husu ba Ministru Asuntu Parlamentár no Komunikasaun Sosiál (MAPKomS) atu responsabiliza ba sentru formasaun jornalista ne’ebé molok ne’e hari ona iha suku refere.

“Ha’u husu ba ministru MAPKomS tenki responsável ba sentru ne’ebé hari ona tamba iha 2020 ami na’in rua asina tiha kontratu kona-ba  sentru formasaun jornalista  maibé ikus mai laiha resultadu to’o agora, tamba ne’e husu ba ministru tenki haree lalais asuntu ne’e,” katak Nia.

Enkuantu suku Batumanu hola parte ba postu administrativu Atsabe, munisípiu Ermera ne’ebé kompostu husi aldeia  Batumanu, Bateiru, Batou no Mutubau ne’ebé ho totál populasaun 1.338 ho xefi familia 293.(*)

Related posts